Lyusi

Taypeyda tahsil olayotgan amerikalik oddiy talaba qiz Lusi tasodifan shafqatsiz narkomafiya tuzog'iga tushib qoladi. Gangsterlar uning qorniga jarrohlik yo'li bilan eksperimental modda — CPH4 sintetik preparatini tikib, uni giyohvand modda kuryeri sifatida ishlatishga urinishadi.

Biroq, kutilmaganda uning qorniga urilgan zarba natijasida paket yorilib, modda Lusi tanasiga ko'p miqdorda tarqalib ketadi. Oddiy insonlar miya imkoniyatlarining atigi 10 foizidan foydalana olgan bir paytda, bu modda Lusi miyasining qolgan foizlarini ham bosqichma-bosqich faollashtira boshlaydi. Tana imkoniyatlari oshgani sayin u telekinez, og'riqni his qilmaslik, boshqalar fikrini o'qish, vaqt va moddiy dunyoni boshqarish kabi favqulodda qobiliyatlarga ega bo'ladi. U o'zida yuz berayotgan bu fenomenal evolyutsiyani tushunish va bilimlarni saqlab qolish uchun professor Norman va jinoyatchilar iziga tushadi.